Bu gecə DÇ-2014-ün bürünc mükafatçısı bəlli olacaq.

Axar.az xəbər verir ki, üçüncülük uğrunda keçiriləcək oyunda Braziliya və Hollandiya yığmaları qarşılaşacaq.

Qeyd edək ki, hər iki komanda yarımfinalda uduzana qədər DÇ-2014-ün favoritləri sayılırdı. Ona görə də oyunun gərgin və maraqlı olacağı gözlənilir. Əlcəzairli Camal Haymudinin idarə edəcəyi görüş Bakı vaxtı ilə saat 01:00-da başlayacaq.

Oyun "Estadio Nəşnl" stadionunda baş tutacaq.

Xatırladaq ki, yarımfinalda meydan sahibləri Braziliya Almaniyaya 1:7 hesabı ilə, Hollandiya isə Argentinaya penaltilər seriyasında (2:4) uduzub.

DÇ-2014-ün final oyunu sabah Bakı vaxtı ilə 01:00-da baş tutacaq. Finalda Almaniya millisi Argentina ilə qarşı-qarşıya gələcək. Oyun "Marakana" stadionunda keçiriləcək.