Futbol üzrə İngiltərə yığmasının sabiq hücumçusu Qari Liniker Argentina yığmasının forvardı Lionel Messini tənqid edib.

Axar.az-ın Rusiya mətbuatına istinadən xəbərinə görə, o, iddia edib ki, argentinalı futbolçu Braziliyada keçirilən dünya çempionatında zəif təsir bağışlayır. Messinin azarkeşi olduğunu dilə gətiriən Liniker deyib ki, əfsanəvi Dieqo Maradonadan sonra Messi alqışa layiqdir, lakin o, meydanda statikdir və az qaçır.

Liniker Messinin Hollandiya yığmasına qarşı keçirilən qarşılaşmada cəmi bir dəfə topa toxunduğunu da xatırladıb - o da oyun sonrası penaltidə.

İngilis futbolçu əlavə edib ki, son qarşılaşmada Messi yaşıl meydanda elə də görünmürdü. Bütün hallarda Messiyə uğurlar arzulayan Liniker final qarşılaşmasının yüksək səviyyədə keçəcəyinə əminlik ifadə edib.