Əməkdar artist Tahir İmanov ötən gün söz verdiyi kimi, qardaşı, mərhum aktyor Cabir İmanovun ölümündən sonra onun “dini mənsubiyyəti” haqda yayılan məlumatlar haqda danışıb.

Axar.az xəbər verir ki, T.İmanov bu mövzunu qaldıran blogerlər, ictimai xadimlər və “dırnaqarası jurnalistlərin” “cəmiyyətdə yaranan birliyə çox böyük ziyan vurduğunu” iddia edib.

“İkincisi, dini mənsubiyyət hər bir insanın şəxsi işidir. Üçüncüsü, bu, çox böyük günahdır, çünki siz ölünün dalınca qeybət edirsiniz”, - aktyor bildirib.

Aktyor cənazə mərasimində jurnalistlərə qoyulan çəkiliş qadağası ilə bağlı da danışıb:

“Mən bəzi jurnalistlərə dedim ki, bizim yas mərasimini çəkməyin, mən, ailəm halallıq vermirik. Bu məsələni şişirtdiniz. Qəbiristanlığa gedəndə dedim ki, təkcə kişilər gedir. Bu bizim adətimizdir. Gəlib gördüm ki, yalandan başlarını bağlayan jurnalist xanımlar hansısa yüksəklikdə durub ki, qəbri çəksinlər. Bu nə adətdir? Babalarınızın, nənələrinizin dəfni vaxtı video çəkilib? Ayıb deyil?”

Digər məqamlara da toxunan T.İmanov özü və qardaşının vəhhabi olması barədə iddiaların heç birini təkzib etməməsi ilə diqqət çəkib, sadəcə, bu iddiaların səsləndirilməsinin ayıb olmasını deməklə kifayətlənib.

Ətraflı videoda: