Ermənistanın Azərbaycanla sərhəd rayonlarında açıq sahədə və meşə ərazilərində bir neçə gündür yanğınlar davam edir.

Axar.az xəbər verir ki, yanğının söndürülməsinə cəlb edilən yanğınsöndürmə maşınının aşması nəticəsində bu gün bir yanğınsöndürən ölüb, 4 nəfər yaralanıb. Yaralılar xəstəxanaya yerləşdirilib.

Ən son məlumatda bildirilir ki, Şirak rayonunda, Göyçənin Çəmbərək-Qoturbulaq avtomobil yolunda, Zəngəzurun Verin Hand qəsəbəsində, Tavuş rayonu, Dilican istiqamətində yanğınlar tam söndürülüb. Yanğın Tavuş rayonunun Navur icması ərazisində məhdudlaşdırılıb.

Dilican dolaylarında yanğınsöndürmə işləri davam edir. Əsasən ot və bitki örtüyü yanır, istidən ağaclar zədələnib.