Azərbaycan Prezidenti İlham Əliyev Serbiyada səfərdə oldu. Əliyevin səfəri Azərbaycanla Serbiya, eləcə də Mərkəzi və Şərqi Avropa ölkələri arasındakı iqtisadi-enerji əlaqələrinin daha da dərinləşməsinə imkan yaradacaq.

Axar.az xəbər verir ki, bu sözləri iqtisadçı alim, millət vəkili Vüqar Bayramov qeyd edib.

“İki dövlət arasındakı dostluq münasibətləri qarşılıqlı ticarət dövriyyəsinə də təsirsiz ötüşməyib. 2025-ci ildə Azərbaycan və Serbiya arasında 134.6 milyon dollarlıq ticarət dövriyyəsi qeydə alınıb. Azərbaycan Serbiyaya 120.6 milyon dollarlıq mal ixrac edib. Bu o deməkdir ki, Serbiya ilə ticarət dövriyyəsində Azərbaycanın 106.6 milyon dollarlıq müsbət saldosu var.

16 ölkəyə təbii qaz nəql edən Azərbaycan Avropanın, xüsusilə Mərkəzi və Şərqi Avropanın enerji təhlükəsizliyinə daha yaxın töhfə verir. Eyni zamanda iqtisadiyyatın fərqli sferalarında, o cümlədən turizmdə, nəqliyyatda sərmayə qoyuluşları sahəsində əməkdaşlığın daha da güclənəcəyi gözlənilir. Bu da ondan xəbər verir ki, cənab Prezidentin səfəri həm də Serbiya ilə Azərbaycan arasındakı iqtisadi əlaqələrin dərinləşməsi və bütövlükdə tərəfdaş Mərkəzi və Şərqi Avropa ölkələri ilə münasibətlərimizin güclənməsinə gətirib çıxaracaq.

Bu səfər dövlətlər arasındakı münasibətlərdə yeni səhifə açacaq”, - deputat əlavə edib.

Qeyd edək ki, Prezident İlham Əliyev Serbiyaya 15 fevralda səfər edib. Səfər bu gün başa çatıb.