Ermənistan ictimaiyyəti Azərbaycan və Rusiya iş adamlarının Qəbələdə keçirilən forumundan narahatlıq ifadə ediblər.

Axar.az xəbər verir ki, erməni saytları toplantını anbaan işıqlandıraraq, tərəflərin verdiyi bəyantları operativ şəkildə Ermənistan ictimaiyyətinə çatırıblar. Onlar Rusiyanın Azərbaycandakı fövqəladə səfiri Vladimir Doroxinin və ölkəmizin şimal qonşusundakı baş diplomatı Polad Bülbüloğlunun verdikləri bəyanatlardan narahatlıqlarını isə gizlətməyiblər. Rusiya-Azərbaycan münasibətlərinin inkişafını Ermənistanın siyasi və iqtisadi itkisi olaraq dəyərləndirən erməni mediası bütün günahların Sərkisyan iqtidarında olduğunu açıq ifadə ediblər. Onların qənaətinə görə, bütün iqtisadi-siyasi rıçaqların faktiki olaraq Rusiyaya verilməsi Ermənistanın müstəqillikdən məhrum edib və İrəvanın taleyini ondan xəbərsiz Rusiya həll edir.

Xatırladaq ki, toplantının miqyasından və gedişindən razılıq ifadə edən hər iki səfir ölkələrimiz arasında strateji müttəfiqlik münasibətlərinin olduğunu və bu əlaqələrin günü-gündən yüksələn xətt üzrə artdığını bəyan etmişdilər.