"Tərtərin Qapanlı və təmas xəttinə yaxın yerləşən digər kəndlərində tam sakitlikdir. Ötən gecə ərzində atəşkəsin pozulması qeydə alınmayıb".

Bu sözləri Axar.az-ın təmas xəttində yerləşən kəndlərindən geri qayıtmış əməkdaşına Yevlaxın "El" televiziyasının bölgəyə ezam olunmuş muxbiri Daşqın Abdullayev deyib.

O, bildirib ki, gecə ərzində bir neçə kənddə olub və digər kəndlər ilə də əlaqə saxlayıb:
"Nə özüm olan kəndlərdə, nə də təmas xəttində yerləşən digər yaşayış məntəqələrində heç bir atışma eşidilməyib. Ötən gecə demək olar ki, tam sakitliklə keçib".

Əməkdaşımızın öyrəndiyi məlumata görə, təmas xəttinin Ağdamda yerləşən hissəsində də tam sakitlik olub.
Bu barədə əməkdaşımıza Ağdamın təmas xəttinə 250 metr məsafədə yerləşən Mirəşəlli kəndinin sakini Rəfael Ağayev məlumat verib:

"Dünən bütün gecəni səssizlik olub. Tək bir güllə səsi belə eşidilməyib. O biri kəndlərdən də xəbərim var - təmas xəttinə yaxın olan heç bir yerdə dünən gecə atışma olmayıb".