"Heç kim bizim əlaqələrimizi korlaya bilməz. Onsuz da bir millət, iki dövlətin əlaqələri başqa cür ola da bilməz".

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğanın Azərbaycana səfəri ilə bağlı Anadolu agentliyinə açıqlamasında YAP millət vəkili Siyavuş Novruzov deyib. S.Novruzov səfərin Türkiyə-Azərbaycan dostluq və qardaşlıq əlaqələrinin daha da möhkəmlənməsinə töhfə verəcəyini bildirib.

Azərbaycan-Türkiyə əlaqələrinin heç bir şəkildə pisləşməyəcəyini vurğulayan YAP funksioneri əlaqələrin uzun müddətli olacağını deyib:

"Heç kim bizim əlaqələrimizi korlaya bilməz. Onsuz da bir millət, iki dövlətin əlaqəsi başqa cür ola da bilməz. Səfər zamanı həm regional, həm də ölkələrimizi maraqlandıran mövzularda çox ciddi müzakirələr, qiymətləndirmələr aparılacaq".