Yaxın günlərdə Ukraynanın Kirovqrad vilayətinin Novoukrainka şəhərinin küçələrindən biri anti-terror əməliyyatlarında qəhrəmancasına həlak olmuş azərbaycanlı polkovnik Vladimir Məmmədəliyevin adını daşıyacaq.

Axar.az xəbər verir ki, bu barədə Ukrayna Müdafiə Nazirliyinin rəsmi Feysbuk səhifəsində yerləşdirilən xəbərdə qeyd olunub. Qeyd edilib ki, Novoukrainka şəhər şurasının iclasında Panfilovun Məmmədəliyev küçəsi ilə əvəzlənməsi barədə qərar qəbul olunub. Xatırladılıb ki, anti-terror əməliyyatlarının ilk günlərindən ön sıralarda yer alan Məmmədəliyev iyulun 4-də Slavyansk yaxınlığındakı Karaçun dağında gedən şiddətli döyüşlər zamanı separatçıların gülləsinə tuş gələrək, qəhrəmancasına həlak olub.