Ana səhifə Gündəm |
İlham Əliyev Latviya, Litva və Xorvatiyadan olan qonaqları qəbul edib.
Axar.az xəbər verir ki, bu barədə Prezidentin rəsmi saytı məlumat yayıb.
Prezident İlham Əliyev əvvəlcə Latviya Respublikasının sabiq Prezidenti Valdis Zatlersi qəbul edib.
Görüşdə Azərbaycan ilə Latviya arasında ikitərəfli münasibətlərin uğurla inkişaf etdiyi vurğulanıb. Dördüncü Bakı Beynəlxalq Humanitar Forumunun xalqlar və mədəniyyətlər arasında dialoqun genişləndirilməsində rolu qeyd edilib.
İlham Əliyev Litvanın keçmiş Prezidenti Vitautas Landsbergisi də qəbul edib.
Görüşdə Azərbaycan ilə Litva arasında əlaqələrin inkişafından məmnunluq ifadə olunub. Artıq dördüncü dəfədir Bakıda keçirilən Beynəlxalq Humanitar Forumun mədəniyyətlərarası dialoqa verdiyi töhfə vurğulanıb.
İlham Əliyev həmçinin Xorvatiyanın sabiq Prezidenti Stepan Mesiçi qəbul edib.
Görüşdə IV Bakı Beynəlxalq Humanitar Forumunun beynəlxalq əməkdaşlığı genişləndirmək baxımından xüsusi əhəmiyyətə malik olduğu vurğulanıb, ölkələrimiz arasında münasibətlərin müxtəlif sahələrdə uğurla inkişaf etdiyi bildirilib.
Tarix
2014.10.02 / 21:05
|
Müəllif
Axar.az
|