"Qırmızı Qəsəbə dünyada yəhudilərin yığcam yaşadıqları yeganə və unikal yerdir və Azərbaycanın həqiqi qürur mənbəyidir".

Bu sözləri Axar.az-a açıqlamasında israilli politoloq Arye Qut söyləyib.

O, Bakının beynəlxalq humanitar əməkdaşlıq üçün məkana, "intellektual Davosa" çevrildiyini bildirib:

"Azərbaycan rəhbərliyinin siyasəti, tolerantlıq və multikulturalizm ideyası təbliğ etməsi Azərbaycan dövlətinin tolerantlığın və multikulturalizm siyasətinin qorunub saxlanılmasına, dünyada bu siyasətin bundan sonra da möhtəşəm müasir və güclü Azərbaycan modeli nümunəsində inkişaf və təbliğ etdirilməsinə yönələn strategiyasının əksidir. Bu baxımdan professor Kamal Abdullanın rəhbərlik etdiyi Azərbaycan Respublikasının millətlərarası, multikulturalizm və dini məsələlər üzrə Dövlət Xidmətinin yaradılması bu yeni strategiyanı ehtiva edir".

Ekspert Azərbaycanda dini tolerantlığa yüksək səviyyədə əməl edildiyini söyləyib:

"Azərbaycan bir çox dinlərin və xalqların nümayəndələrinin vətəni olub və vətənidir. Qədim Azərbaycan torpağında yəhudilik və islam, atəşpərəstlik və xristianlıq mövcud olub. Elə bu günün özündə bu torpaq tolerantlığa və dini dözümlülüyə misli görünməmiş cəhdlər göstərir. Qırmızı Qəsəbə dünyada yəhudilərin yığcam yaşadıqları yeganə və unikal yerdir və Azərbaycanın həqiqi qürur mənbəyidir. İkili standartlardan əziyyət çəkən, çox mürəkkəb və amanabənd geosiyasi əhatədə yerləşən, habelə Cənubi Qafqazın lideri sayılan bu ölkə Ermənistanla ağır və qanlı ərazi münaqişəsinə, ərazilərinin 20 faizinin işğal olunmasına baxmayaraq, həqiqi sivilizasiyalararası və dinlərarası dialoq nümunəsidir".