Amerika Yəhudiləri Yardım Təşkilatından (Vaad L Hatzolas Nidchei Yisroel) bir qrup heyət Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdulla ilə görüşüb.

Axar.az xəbər verir ki, görüşdə təşkilatın Azərbaycan bölməsinin sədri Rav Shmeuel Simatov, təşkilatın sədir müavini Rav Zamir İsayev və təşkilatın mətbuat xidmətinin katibi Murad Salmanov iştirak edib.

Dövlət müşaviri Kamal Abdulla dövlətin tolerantlıq siyasətindən və cənab prezidentin buna qayğısından danısıb. Rav Shmeul Simantov isə təşkilat haqqında məlumat verərək bildirib ki, İsrail vətəndaşı olmasına baxmayaraq, özünü azərbaycanlı hiss edir:

"Bu gün Azərbycan nəinki Qafqazın, hətta bütün dünyanın ən tolerant ölkəsidir".

Görüşdə ikitərəfli əməkdaşlq və Azərbaycan və yəhudi xalqlarının qardaşlığını gücləndirə biləcək ortaq layihələr haqqında müzakirə aparılıb.

Görüşün sonunda Kamal Abdulla qonaqlara kitab hədiyyə edib.