Ana səhifə Gündəm |
Martın 6-da Avropa Parlamentində “Ermənifobiya. Tarixi və müasir təzahürləri” mövzusunda konfrans keçiriləcək.
Axar.az xəbər verir ki, bu məlumatı “Armenpress”ə “Ay Data” təşkilatının Avropa ofisinin rəsmi nümayəndəsi Arut Şirinyan verib. O, Avropa Parlamentində konfransın “Ay Data”nın və Tüfəngyan Fondunun təşəbbüsü ilə keçirildiyini bildirib.
Forumda həmçinin Avropa Birliyi-Ermənistan Dostluq Qrupunun rəhbəri Eleni Teoxariusun iştirakı nəzərdə tutulub. Tədbirdə əsas məruzəçi kimi Türkiyədən gələn bir sıra alimlər, Qarabağ separatçılarının “ombudsmanı” Artak Beqlaryan, keçmiş “ombudsman” Ruben Məlikyan, bloger Aleksandr Lapşin, polşalı ermənişünas Yakub Oşiyetskiyin çıxışı planlaşdırılıb. Konfransda məruzəçilərin xüsusilə Azərbaycan və Türkiyəni hədəf alması və burada ermənifobiyanın geniş yayılmasını iddia etməsi nəzərdə tutulub.
Qeyd edək ki, “Ay Data” Daşnaksütyun Partiyasının əsas qurumlarından biri sayılır.
Tarix
2019.03.01 / 11:38
|
Müəllif
İlkin Həsənov
|