Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Sentyabr 2019


Heydər Əliyev xalqın ən ağır günündə Bakıya gəldi

Ana səhifə Gündəm
12 Punto 14 Punto 16 Punto 18 Punto

Ulu öndər Heydər Əliyevin apardığı siyasət Azərbaycanın bir dövlət kimi möhkəmlənməsinə, beynəlxalq aləmdə nüfuzunun artmasına və dostlarının çoxalmasına gətirib çıxardı.

Bu sözləri Axar.az-a açıqlamasında millət vəkili Aydın Mirzəzadə ümumilli lider Heydər Əliyevin 1993-cü ilin 9 iyununda xalqın təkidi ilə Bakıya qayıtması barədə danışarkən deyib. O bildirib ki, Heydər Əliyev Bakıya qayıtmaqla Azərbaycan tarixində yeni səhifə açdı:

“Heydər Əliyevin yenidən böyük siyasətə qayıtması Azərbaycan xalqının xilası oldu. Həmin dövrdə Ulu öndər hakimiyyətə qayıtmasaydı, Azərbaycan öz müstəqilliyin itirəcəkdi. Həmçinin Azərbaycanın təbii sərvətləri neft şirkətlərinin gəlir mənbəyinə çevrilərək, neftlə zəngin olan, lakin dilənçi günündə yaşayan xalqların vəziyyətinə düşəcəkdik. Həmin illər xalqımız üçün çox ağır və çətin günlər idi. Çünki hakimiyyətdə idarəçilikdən bixəbər şəxslər var idi. Onlar yalnız öz mənafeyini güddüyü üçün insanların sosial rifahı günü-gündən ağırlaşırdı. Çörək tapmaq üçün insanlar saatlarla növbəyə dururdu. Silahlı dəstələrin insanları qorxutması adi bir hala çevrilmişdi. Üstəlik, Dağlıq Qarabağda vəziyyət gündən-günə pisləşirdi. Ermənistan silahlı qüvvələri Azərbaycan hakimiyyətinin idarəçilik qabiliyyətinin zəif olmasından istifadə edib rayonlarımızı bir-bir işğal edirdi. Bu çətin günlərdə hamının gözü Naxçıvanda idi. Hamı Heydər Əliyevin gəlişini səbirsizliklə gözləyirdi. Ulu öndər belə ağır günlərdə Bakıya gəldi və Azərbaycan xalqının yanında oldu”.

Millət vəkili Heydər Əliyevin hakimiyyətə gəlişinin ilk vaxtlarında apardığı uğurlu siyasətdən danışıb:

“Heydər Əliyevin sovet dövründə Azərbaycana rəhbərlik etməsi, təhlükəsizlik orqanlarında işləməsi, geniş təcrübəyə malik olması bu problemlərin həllində böyük rol oynadı. İlk növbədə vətəndaş qarşıdurmasının qarşısı alındı. Azərbaycanda hakimiyyət möhkəmləndirildi. Qeyri-qanuni hərbi dəstələr ləğv edildi. Ulu öndərin apardığı siyasət Azərbaycanın bir dövlət kimi formalaşmasına, beynəlxalq aləmdə nüfuzunun artmasına, dostlarının çoxalmasına gətirib çıxardı. Ölkədə bütün sahələrdə islahatlar keçirildi. 1994-cü ildə neft kontraktının bağlanması Azərbaycanın öz təbii sərvətlərinə sahib olmasına imkan verdi. Bütün bunlar ölkənin yenilənməsinə, vətəndaşların sosial vəziyyətinin yaxşılaşmasına gətirib çıxardı. Mən əminliklə deyə bilərəm ki, Heydər Əliyevin Azərbaycana gəlişi, parlament sədri seçilməsi tariximizdə tamamilə yeni səhifə açdı”.

Tarix
2019.06.11 / 16:02
Müəllif
Mahir Ələkbərov
Şərhlər
Digər xəbərlər

Ermənilərin məhsulunu Bakıya gətirən və satan şəbəkə - Video

Dünyadan gizlədilir: ABŞ bu müharibəni uduzdu

Bu, sosial siyasətin yeni mərhələsidir - Millət vəkili

İran səfiri təkzib etdi: Dağlıq Qarabağ erməniləri...

İsa Qəmbərdən Qəhrəmanlı olayına maraqlı yanaşma

Deputatın borc qalmaqalı böyüdü: Başqalarından da alıb...

Azay Quliyev seçiciləri ilə görüşdü - Foto

Fuad Qəhrəmanlının xanımını döyməsi ilə bağlı - Fotofakt

Pompeonun Əliyevə məktubunda iki mühüm məqam

Selcanı müdafiə etdik, elə təhqirlər yazdılar ki... – Cəfəroğlu

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla