Yuxarı

Mehriban xanımdan növbəti jest: Düşüncə dəyişiminə çağırış...

Ana səhifə Gündəm
12 Punto 14 Punto 16 Punto 18 Punto

Azərbaycanın Birinci vitse-prezidenti hörmətli Mehriban xanımın keçmiş prezident Ayaz Mütəllibovun həyat yoldaşı Ədilə xanımın vəfatı ilə bağlı yüksək insanpərvərlik sayıla biləcək davranışı siyasi baxışından və statusundan asılı olmayaraq heç nəyin insan münasibətlərindən üstün ola bilməyəcəyi düşüncəsini cəmiyyətə aşılamağa xidmət edir.

Axar.az xəbər verir ki, bu sözləri millət vəkili Fazil Mustafa Birinci vitse-prezident Mehriban Əliyevanın tapşırığı ilə Ayaz Mütəllibovun həyat yoldaşı Ədilə Mütəllibovanın yas mərasiminin təşkilati məsələlərini Heydər Əliyev Fondunun öz üzərinə götürməsinə münasibət bildirərkən deyib. O bildirib ki, Mehriban xanımın bu davranışının Azərbaycanda formalaşan bəzi mənfi mentallığın dəyişməsində böyük əhəmiyyəti olacaq:

“Mehriban xanımın bundan öncə də keçmiş prezident Əbülfəz Elçibəyin həyat yoldaşı Həlimə xanımın vəfatı ilə bağlı atdığı tərifəlayiq addımı kimi, bu davranışı da cəmiyyətdə həqiqətən təqdirlə qarşılanır. Artıq Azərbaycan cəmiyyətində siyasi münasibətlərin gərginliyini azaltmaq zərurətini hamımız düşünməliyik. Yuxarıda qeyd etdiyim bu iki nümunə insanlarımız üçün ciddi bir düşüncə dəyişiminə çağırış kimi də anlaşıla bilər. Siyasi mübarizənin gərginliyi fonunda bir millətin övladları arasında insani münasibətlərin zədələnməsinə, dəyərlərin itməsinə qətiyyən yol vermək olmaz. Bəzi hallarda bir qrup insan hakimiyyətin isti yanaşmadığı keçmiş vəzifəli və ya tanınmış şəxslərin yas mərasimində iştirak etməkdən çəkinir. Eyni hal müxalifətdə olan insanların ağır günlərində də müşahidə olunur. İnsanların sevinc və ya kədərinin siyasiləşdirilməsinə qətiyyən yol vermək olmaz. Mehriban xanımın son iki davranışının Azərbaycanda formalaşan bəzi mənfi mentallığın dəyişməsində böyük əhəmiyyəti olacağını düşünürəm. Həmçinin, bu davranış Azərbaycan iqtidarına böyük nüfuz gətirən ciddi faktorlardan biri kimi də sayıla bilər”.

Qeyd edək ki, Ə.Mütəllibova uzun sürən xəstəlikdən sonra ötən gün 81 yaşında vəfat edib. Mərhum Yasamal qəbiristanlığında dəfn olunub.

Ədilə Mütəllibovanın yas mərasiminin təşkilati məsələlərini Mehriban xanım Əliyevanın tapşırığı ilə Heydər Əliyev Fondu öz üzərinə götürüb.

Tarix
2019.07.06 / 12:38
Müəllif
Mahir Ələkbərov
Şərhlər
Digər xəbərlər

Əminə Ərdoğan da Bakıya gəlir

Bakıya düşmən olan Okampo İrəvanda II Qareginlə görüşdü

İlham Əliyev Məhəmməd Ben Sulayem ilə görüşdü

İlham Əliyev Formula-1 prezidenti ilə görüşdü

Pezeşkian Rusiyaya gedir – Təsdiqləndi

Aprel döyüşlərinə görə qovulan generalla bağlı qərar

XİN paylaşım etdi: Qardaşlıq tarixi

Türkiyə XİN Azərbaycanı təbrik etdi

Bakının azad olunmasından 106 il ötür

Mİ6 şefi Bakıda - Foto

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla