Ana səhifə Gündəm |
"Biz Şimali Osetiyada - Alaniyada yaşayan
azərbaycanlılar "Azərros" ətrafında son zamanlar yaşananları çox
böyük təəssüf və narahatlıqla qarşılayırıq. Xüsusilə də "Azərros"un
rəsmi saytında Azərbaycanın Rusiyadakı səfiri Polad Bülbüloğlu
haqqında yazılanları qətiyyətlə pisləyirik. Heç kimə sirr deyil ki,
bütün bunların arxasında Azərbaycanın baş nazirinin keçmiş müavini
Abbas Abbasov dayanır".
Axar.az xəbər verir ki, bu bəyanatla Ümumrusiya Azərbaycanılar;
Konqresinin Şimali Osetiya - Alaniya Regional Mərkəzi Abbas
Abbasova qarşı çıxış edib. "Azərros"da gərginlik yaradan baş
nazirin sabiq müavini ilə bağlı mərkəzdən "Moderator.az"a
göndərilən bəyanatda deyilir ki, onun son 3 ildəki fəaliyyəti
Rusiya azərbaycanlıları arasında nifaq salmağa, parçalamağa və
onları bir-birinə qarşı qoymağa hesablanıb:
"Bu addım bizim tərəfimizdən Rusiyada yaşayan azərbaycanlıların
imicinə zərbə vurmaq və Rusiya-Azərbaycan münasibətlərini soyutmağa
hesablanmış bir bədniyyət cəhd kimi qiymətləndirilir.
Rusiyadakı azərbaycanlılar həmişə Prezident Putinin seçiciləri
olublar və hər zaman onun yanında olublar və bundan sonra da
olacaqlar. Biz eyni zamanda tarixi vətənimiz olan Azərbaycanın
Prezidenti İlham Əliyevin Rusiya-Azərbaycan münasibətlərinin
inkişafına söykənən siyasətini dəstəkləyir və alqışlayırıq".
Bəyanatda A.Abbasova mesaj ünvanlanır: "Azərbaycan vətəndaşı olan
Abbas Abbasov anlamalıdır ki, zəbt etdiyi təşkilat onun əlində bizə
- Rusiya azərbaycanlılarına qarşı istifadə ediləcək alət ola
bilməz.
Bu təşkilat bizə - Rusiya azərbaycanlılarına məxsusdur və ilk
növbədə iki xalqın dostluğuna xidmət etməlidir. Abbas Abbasov və
onun ətrafı isə Rusiya azərbaycanlıları arasında dağıdıcılıq və
birliyin pozulması siyasətini aparır.
Ona görə də bizim sualımız yaranır ki, Abbas Abbasov kimin
maraqlarına xidmət edir? Azərbaycanın Rusiyadakı səfirinin müavini
Qüdsi Osmanovun timsalında səfirliyimiz hər zaman Rusiyada yaşayan
azərbaycanlıları təxribatlara uymamağa və bütün diaspor
nümayəndələrini dialoqa çağırıb".
Tarix
2015.02.08 / 00:28
|
Müəllif
Emin Aslanlı
|