"Artıq bir aydır ki, İctimai Televiziyada işə başlamışam. Dünən gecə "Carçı" informasiya proqramını aparmışam".

Bu sözləri Axar.az-a telejurnalist Rövşən Raqifoğlu İctimai Televiziya və Radio Yayımları şirkətinə yeni təyinatı ilə bağlı danışarkən bildirib.

Telejurnalist dünən "Carçı" informasiya proqramının gecə 12 buraxılışını aparıb. R.Raqifoğlu artıq bir aydır İTV-də şərhçi kimi çalışır. Həmçinin idman şöbəsinə də rəhbərlik edir.

Rövşən Raqifoğlu əvvəllər "Lider" televiziyasında çalışıb. Azərbaycanda televiziya jurnalistləri üçün çap olunmuş "Lider jurnalist" adlı praktik dərs vəsaitinin müəllifidir.

Xatırladaq ki, R.Rafiqoğlunun İTV-yə redaktor təyin edildiyi xəbərini "Aznyus" saytı yayıb.