Axar.az
Yuxarı

Axar.Az Logo

Bu, sadəcə rüsvayçılıqdır – Deputatdan sərt çağırış

Ana səhifə Gündəm
12 Punto 14 Punto 16 Punto 18 Punto

Əvvəla qeyd edim ki, Nazirlər Kabineti Konstitusiyanın 120-ci maddəsinə əsasən ümumi qaydalar müəyyənləşdirən normativ hüquqi aktlar qəbul edə bilər. Qanunvericiliyin vaxtında sistemləşdirilməməsi səbəbindən karantin rejiminin tətbiqi ilə əlaqədar hüquqşünaslar arasında nüəyyən fikir ayrılığı var. Amma ölkə Konstitusiyasının 41-ci maddəsinin 2-ci hissəsinə əsasən, dövlət “sanitariya-epidemologiya salamatlılığına təminat verir”.

Bu sözləri Axar.aza açıqlamasında BAXCP sədri, Milli Məclisin Hüquq siyasəti və dövlət quruculuğu komitəsinin sədr müavini Qüdrət Həsənquliyev Milli Şuranın karantin rejimi qaydaları pozuntularına görə təyin edilən cərimələrin hüquqi əsasının olmaması və buna görə də vətəndaşları cərimələri ödəməməyə çağırması ilə bağlı danışarkən deyib.

Millət vəkili bildirib ki, Ümumdünya Səhiyyə Təşkilatı tərəfindən COVİD-19 virusuna görə pandemiya elan olunduğu üçün hökumətin beynəlxalq təcrübəyə əsaslanaraq bu istiqamətdə atdığı bütün addımları son zərurət vəziyyətində qəbul olunmuş qərarlar kimi qəbul etməliyik:

“İnzibati cərimələrin yalnız məhkəmələr tərəfindən tətbiq olunması barədə iddiaların da hüquqi əsası yoxdur. İnzibati Xətalar Məcəlləsinin 25.1-ci maddəsində deyilir ki, inzibati cərimə bu Məcəllədə nəzərdə tutulmuş hallarda hakim, səlahiyyəli orqan (vəzifəli şəxs) tərəfindən təyin edilən və təqsirkar şəxsdən dövlətin xeyrinə məcburi tutulan pul məbləğidir. Məcəllənin 211-ci maddəsinə əsasən, karantin rejiminin pozulmasına görə fiziki şəxslər 100 manatdan 200 manatadək məbləğdə cərimə oluna bilər. Cərimə inzibati tənbeh tədbiri kimi inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır”.

Q.Həsənquliyev qeyd edib ki, vətəndaşları hüquq müstəvisindən kənar fəaliyyətə səsləmək sadəcə rüsvayçılıqdır:

“Karantin rejimini pozanlar özlərinin, yaxınlarının və başqalarının həyatını təhlükəyə atırlar. Buna görə də karantin rejimini pozmağa görə alternativ inzibati tənbeh tədbiri nəzərdə tutulmayıb və cərimənin minimum məbləği 100 manatdır. Polis də humanistlik nümatiş etdirərək, bir qayda olaraq 100 manat cərimə tətbiq edir. Əgər vətəndaşlarımızdan kimsə hesab edirsə ki, o əsassız olaraq cərimələnib, bu barədə məhkəməyə müraciət etməlidir. Hətta cəza haqlı tətbiq olunubsa, amma şəxs cəriməni ödəyə bilmirsə, onun təxirə salınması və icrasına möhlət verilməsi barədə də iddia qaldıra bilər. Biz qanunları tətbiq edən polisi yox, qaydalara əməl etməyən vətəndaşlarımızı qınamalıyıq. Yalnız qanunlara hörmət etməklə hüquq dövləti qurmaq mümkündür. Ona görə də vətəndaşlarımızı hüquqi dövlət quruculuğundan danışıb, reallıqda isə insanları qanunsuzluğa səsləyən siyasi dələduzlara əhəmiyyət verməməyə çağırıram”.

Tarix
2020.04.27 / 22:57
Müəllif
Axar.az
Şərhlər
Digər xəbərlər

102-ci bazanın bölmələri Zəngəzura atılır - KİV

Zəngəzurdakı danışıqlarla bağlı İrəvandan açıqlama

İtaliya mediası “Xarıbülbül” festivalından yazdı

İlham Əliyev Qəbələdə - Foto

İcra başçısı Prezidentin suallarını cavablandırdı

Həm Xudavəngdə, həm də Ağoğlanda... - Prezident

Ölkədə koronaya yoluxanların sayı açıqlandı

Muradovun vəzifədən gedəcəyi xəbəri təkzib edildi

Erməni müxalifəti Qaragöl şousunu ifşa etdi: Nikolun hədəfi...

Zəngəzurda danışıqlar başladı: Rüstəmov rəhbərlik edir

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla