Avropa Oyunları ərəfəsində iqtidar-müxalifət dialoqu olub. Təbii ki, təqdirəlayiq, vacib hadisədir. Əslində, dövlət hal-hazırda o qədər güclüdür ki, azsaylı müxalifətlə heç görüşə getməyə də bilərdi. Amma bu jestlə nümayiş etdirdi ki, Azərbaycanda görüntü dialoqu yox, gerçək dialoq var. Yəni danışmaq üçün yox, lazım olanda.

Bu mövzuda da bir gülməli hadisə baş verdi. Aşıq Ələsgər demişkən, adını demərəm, eldən ayıbdır, filankəsin oğlu filandan gedir söhbət. Bu filan deyib ki, onun partiyası I Avropa Oyunlarını boykot edəcək. Boykot edəcək? Yəni neyləyəcək? Oyunlar zamanı gözlərini yumub, kiprik aclığı elan edəcək? Ya televizorunu pəncərədən vızıldadacaq?

Bu bilirsiniz nəyə oxşayır? Bir dəliyə deyirlər ki, başının dərisindən əla qaval çıxar, o da bunun qarşısını almaq üçün ülgücü götürüb başına elədən belə, belədən elə çəkir ki, indi ala, qaval düzəlt görüm, necə düzəldirsən. Bəylər, vallah bu dövlətə qaval lazım deyil. Başınız sağ olsun!