Ana səhifə Gündəm |
Azərbaycanla Ermənistan arasında baş vermiş müharibə ilk gündən sonadək Avropa Şurası Nazirlər Komitəsinin diqqətində olub, müharibədən sonrakı proseslər də diqqətlə müşahidə edilir.
Axar.az xəbər verir ki, bunu Almaniya xarici işlər naziri Hayko Maas AŞPA-nın qış sessiyasında bildirib.
"Avropa Şurası bölgədə sabitliyin bərqərar, sülh və tərəqqinin davamlı olmasında, qarşılıqlı əlaqələrin inkişafında çox maraqlıdır. Bu məsələni gələcəkdə də daim diqqətdə saxlamaq və irəliləyişinə töhfələr vermək istiqamətində səy göstərmək Nazirlər Komitəsinin, ümumilikdə Avropa Şurasının əsas məqsədlərindəndir", - Maas vurğulayıb.
Maas qeyd edib ki, əlbəttə, istənilən niyyətə çatmaq üçün dialoq vacibdir və belə bir dialoqun varlığı hər iki ölkənin maraqlarına cavab verir.
“Şübhəsiz ki, Azərbaycanla Ermənistan arasında əməkdaşlıq istiqamətində əldə edilən uğurlar bütün regionun da inkişafına təsir göstərəcək”, – nazir deyib.
Almaniyanın Nazirlər Komitəsinə sədrliyi müddətində bu problemi daim diqqətdə saxlayacaqlarını söyləyən Maas öz ölkəsinin də bölgəyə xüsusi marağının olduğunu, yaranmış yeni şəraitin əməkdaşlıq üçün yeni üfüqlər açdığını deyib.
Tarix
2021.01.27 / 00:15
|
Müəllif
Axar.az
|