Vətəndaş Həmrəyliyi Partiyası (VHP) növbəti qurultay hazırlıqlarına başlayıb.

VHP mətbuat xidmətindən Axar.az-a verilən məlumata görə, bu gün ilk olaraq Gəncə şəhərində Xocalı rayon rəşkilatının növbəti hesabat-seçki konfransı keçirilib. Konfrans Xocalı faciəsi zamanı şəhid olan soydaşlarımızın ruhlarının bir dəqiqəlik sükutla yad edilməsi ilə öz işinə başlayıb.

Konfransın işində özək təşkilatlarından seçilmiş nümayəndələr və VHP-nin Qurultaya Hazırlıq üzrə Təşkilat Komitəsinin üzvləri Samir Əsədli və Asəf Məmmədəliyev iştirak ediblər. Xocalı rayon təşkilatının sədri Mikayıl Nurməmmədov hesabat məruzəsi dinlənilib, ictimai-siyasi vəziyyət, qurultaya hazırlıq, qarşıdan gələn parlament seçkiləri müzakirə edilib.

Sonda təşkilati məsələlərə baxılıb. Mikayıl Nurməmmədov yenidən sədr, həmçinin Məclis, NTK üzvü, həmçinin və 2 nəfər qurultay nümayəndəsi seçilib.