"Digər kanallar yayım hüququ üçün müraciət etməyiblər".

Bu sözləri Milli Televiziya və Radio Yayım Şurasının aparat rəhbəri Toğrul Məmmədov digər kanalların Avropa Oyunlarını yayımlamaması ilə bağlı Axar.az-a danışarkən deyib:

"Avropa Oyunlarını işıqlandırma hüququnu yalnız iki kanal alıb. Bunlardan biri "İdman Azərbaycan", o biri isə AzTV kanalıdır. Digər kanallar bizə yayım hüququ almaq üçün müraciət etməyib. Məhz bu səbəbdən yalnız iki kanal oyunları canlı yayımlayır".

Qeyd edək ki, "İdman Azərbaycan" və AzTV kanalları proqram sıxlığına görə Avropa Oyunlarının bütün qarşılaşmalarını canlı yayımlamaqda çətinlik çəkir.