Ana səhifə Gündəm |
15:59
Türkiyə Prezidenti Rəcəb Tayyib Ərdoğanla ukraynalı həmkarı Vladimir Zelenski arasında görüş başlayıb.
Axar.az xəbər verir ki, görüş Lvovdakı Potoçki sarayında keçirilir.
İkitərəfli görüşdən sonra BMT Baş katibi Antonio Quterreşin iştirakı ilə üçtərəfli görüş olacaq.
Daha sonra liderlərin birgə mətbuat konfransı keçirəcəkləri gözlənilir.
***
Türkiyə Prezidenti Rəcəb Tayyib Ərdoğanla ukraynalı həmkari Vladimir Zelenski arasında görüş başa çatıb.
Liderlər Ukraynadakı müharibəni, o cümlədən taxıl ixracı məsələsini müzakirə ediblər.
Qeyd edək ki, V.Zelenskinin BMT Baş katibi Antonio Quterreşlə görüşü də baş tutub.
***
Ukrayna Prezidenti Vladimir Zelenski türkiyəli həmkarı Rəcəb Tayyib Ərdoğanla Lvovda keçirilən görüşün təfərrüatını açıqlayıb.
Müzakirələrdə Zaporojye AES ətrafındakı vəziyyət və ikitərəfli hərbi əməkdaşlıq müzakirə olunub.
“Türkiyə Prezidentinin Ukraynaya səfəri belə bir qüdrətli ölkənin dəstəyinin bariz göstəricisidir. Lvovdakı görüşdə biz Rəcəb Tayyib Ərdoğanla taxıl təşəbbüsünün yaxşılaşdırılması imkanlarını, Zaporojye AES ətrafındakı vəziyyəti müzakirə etdik. Həmçinin müdafiə sahəsində əməkdaşlıq məsələlərinə də toxunduq”, - Ukrayna lideri qeyd edib.
Tarix
2022.08.18 / 20:16
|
Müəllif
Axar.az
|