Ana səhifə Gündəm |
Rusiyanın Suriya məsələsində ziddiyyətli məqamlar çoxdur.
Bu barədə Axar.az-a açıqlamasında Şərq-Qərb Araşdırmalar Mərkəzinin rəhbəri Ərəstun Oruclu deyib. Politoloq Suriya məsələsində bəzi məqamlara görə Rusiya və Qərb arasında gərginliyin artacağını istisna etməyib:
"Qərb və Rusiyanın hədəfi İŞİD-dir. Sadəcə, məlumatlarda ziddiyyətli məqamlar çox olduğundan bilmək olmur ki, Rusiya İŞİD-i, yoxsa Əsədə qarşı döyüşən digər müxalifləri bombardman edir. Məsələ burasındadır ki, əslində, İŞİD Suriyada Əsəddən çox onun opponentlərinə - türkmənlərə, ASO-ya, kürdlərə qarşı döyüşürdü. Yəni İŞİD faktiki olaraq heç vaxt açıq şəkildə Əsəd ordusu ilə döyüşməyib. Ona görə də bu, xeyli suallar doğurur. Rusiyanın İŞİD barədə yaydığı məlumatlar Qərb tərəfindən birmənalı qarşılanmır. Qərb bildirir ki, Rusiyanın bombaladığı İŞİD deyil. Ona görə də əgər Rusiya həqiqətən də fərqli silahlı qruplaşmaları bombalayırsa, bu halda yeni fikir ayrılıqları və mübahisələrin yaranacağını istisna etmək olmaz. Ziddiyyətli məqamların olmasına rəğmən, ümumilikdə götürdükdə Rusiya və Qərb faktiki olaraq terrorçulara qarşı mübarizə aparırlar".
Tarix
2015.10.10 / 09:58
|
Müəllif
Aygün Yusibova
|