Türkiyə baş verən hadisələrə yanaşmasında etnik və ya dini amilləri əsas götürmür, regionun bütün hissələrində sülhün təmin olunmasını dəstəkləyir.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Ankarada Nazirlər Kabinetinin üç saatdan çox davam edən iclasının yekunlarına dair brifinqdə deyib.

O, Yəmən husilərinin Səudiyyə Ərəbistanına hücumları ilə müşayiət olunan gərginlikdən danışıb:

“Ər-Riyad hava limanının atəşə tutulmasını qətiyyətlə pisləyirik. Bu hücum nəticəsində aralarında zəvvarların da olduğu 12 nəfər həlak olub. Türkiyə qardaş Səudiyyə Ərəbistanının yanındadır”.

O, Ankaranın Ər-Riyadla müdafiə sahəsində əməkdaşlığın institusional əsaslarını formalaşdırmaq üçün zəruri addımlar atdığını qeyd edib.