Ana səhifə Gündəm |
İran Türkiyəyə satdığı gündəlik 30 milyon kubmetr qazın yarısını kəsib.
Axar.az Türkiyənin "Habertürk" qəzetinə istinadən xəbər verir ki, rəsmi Tehran bu addımını havaların soyuq keçməsi və daxildə təlabatın artmasına görə atdığını bildirib.
"İran qazı kəsməsinə səbəb kimi qışın ağır keçməsini göstərsə də, sinoptiklər Tehranda qarşıdakı 10 gün ərzində havanın günəşli olacağını bildirirlər", - qəzet qeyd edib.
Türkiyənin BOTAŞ şirkəti İranın bu qərarından sonra havaların şaxtalı keçdiyi ölkənin şərqində problem yaşanmaması üçün 15-20 günlük xüsusi proqram hazırlayıb.
Tehranın qazı kəsməsindən sonra Türkiyədə elektrikin qiyməti orta hesabla 14-15 quruşdan 20-21 quruşa qədər bahalaşıb.
Qeyd edək ki, Türkiyə İrandan il ərzində 6 milyard kubmetr qaz alır. Rəsmi Tehranla Türkiyə arasında oxşar problem ötən illər ərzində də baş verib.
Tarix
2015.12.09 / 10:23
|
Müəllif
İlham Sahiloğlu
|