"Zaman-Azərbaycan" qəzeti 10.03.2014-cü ildə saytımızda yayımlanan "Nurçular bu il Azərbaycanda 4 milyon pul paylayıb" məqaləsində qəzetlə bağlı olan informasiyanı təkzib edib.

Axar.az xəbər verir ki, yayımlanan məqalə ilə razılaşmayan qəzet öz münasibətini sayta göndərmək əvəzinə məhkəməyə müraciət edib və mövqeyinin saytda işıqlandırılmamasından şikayətçidir.

Bildiririk ki, yazı yayımlanandan sonra qəzet tərəfindən saytımıza öz mövqeyini əks etdirən yazılı və şifahi heç bir açıqlama daxil olmayıb. "Zaman Azərbaycan" qəzetinin indiyə qədər "Axar.az" saytını qarşı tərəfin münasibətini dərc etməməkdə suçlaması qətiyyən doğru deyil.

Biz "Zaman Azərbaycan"nın göndərəcəyi istənilən açıqlamanı və ya məktubu saytımızda qarşı tərəfin mövqeyi kimi çap etməyə hazırıq.