Axar.az
Yuxarı

Bahar Muradova Vyanaya gedir

Ana səhifə Gündəm
12 Punto 14 Punto 16 Punto 18 Punto

Milli Məclis Sədrinin müavini, Azərbaycan parlamentinin ATƏT-in Parlament Assambleyasındakı nümayəndə heyətinin rəhbəri Bahar Muradovanın başçılığı ilə deputatlarımız ATƏT PA-nın 15-ci qış sessiyasında iştirak etmək üçün fevralın 24-dən 27-dək Avstriyanın paytaxtı Vyana şəhərində səfərdə olacaqlar.

Axar.az Milli Məclisin saytına istinadən xəbər verir ki, nümayəndə heyətinə Milli Məclisin deputatı, ATƏT PA-nın Siyasi məsələlər və təhlükəsizlik komitəsinin sədr müavini, Büro üzvü Azay Quliyev, deputatlar Ülviyyə Ağayeva, Kamran Nəbizadə, Elşad Həsənov və Tahir Mirkişili daxildirlər.

Azərbaycan nümayəndə heyətinin rəhbəri Bahar Muradova və ATƏT PA-nın Büro üzvü Azay Quliyev öncə Daimi komitənin iclasında iştirak edəcəklər. Həmin iclası ATƏT PA-nın sədri İlkka Kanerva açacaq. Daimi komitədə qış sessiyasının gündəliyi təsdiqlənəcək, maliyyə hesabatı dinləniləcək, cari il üçün nəzərdə tutulan tədbirlərə hazırlıqdan bəhs olunacaq. İclasda qurumun xüsusi komitələrinin və xüsusi nümayəndələrinin fəaliyyəti barədə, həmçinin seçkilərin müşahidəsi ilə bağlı məruzələr dinləniləcək, bir sıra təşkilati məsələlərə baxılacaq.

ATƏT PA-nın 15-ci qış sessiyasında öncə Ümumi komitələrin birgə iclası keçiriləcək. ATƏT-in Baş katibi, səfir Lamberto Zanerin və qurumun Parlament Assambleyasının xüsusi nümayəndəsi xanım Xedi Frayın məruzələri dinləniləcək, fikir mübadiləsi aparılacaq. "ATƏT regionunda miqrant və qaçqın böhranı" məsələsi üç komitənin birgə iclasında xüsusi müzakirə mövzusu olacaq.

Siyasi məsələlər və təhlükəsizlik Ümumi komitəsinin iclasında "ATƏT regionunda transmilli təhlükəsizlik: terrorizmlə mübarizə" mövzusu ətrafında geniş diskussiya aparılacaq.

Demokratiya, insan hüquqları və humanitar məsələlər Ümumi komitəsində "Miqrantların və qaçqınların insan hüquqları" məsələsi diqqət mərkəzində olacaq.

İqtisadi məsələlər, elm, texnika və ətraf mühit üzrə Ümumi komitənin iclasında "Miqrasiyanın idarə olunması: ATƏT regionunda iqtisadiyyat üçün imkanlar və çağırışlar" məsələsinə baxılacaq.

Milli Məclisin ATƏT PA-dakı nümayəndə heyəti sessiya çərçivəsində bütün iclaslarda fəal iştirak edəcək, müzakirə olunan məsələlərə ölkəmizin maraqları mövqeyindən münasibət bildirəcək.

Tarix
2016.02.24 / 00:28
Müəllif
Axar.az
Şərhlər
Digər xəbərlər

Bu kişini tanıyırsan, Mehriban? - Zəngilanda maraqlı dialoq

Ərdoğan haqlıdır, ancaq imkan verməyəcəklər - Suhankin

Silayev: Zəngəzur dəhlizi üçün “Kalininqrad modeli” - Video

Ərdoğanın təklifi gələcək üçün keçərlidir – Rus politoloq

İran 32 terrorçunu Azərbaycana niyə təhvil vermir?

Vətən müharibəsi xronikası: 21 oktyabr

Mincivanın işğaldan azad olunmasından 1 il ötür

Nikol səhvlər edir, Serjik isə pislikdir – Qalustyan

Bu gün əbədi Zəfər günü kimi qalacaq - Prezident

“Əsir” təhvili, Moskvada görüş, Zəngəzura nəzarət... – Video

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla