Rusiya ilə NATO ölkələri arasında müharibə ehtimalı yüksək deyil.

Bu sözləri politoloq Elxan Şahinoğlu Axar.az-a açıqlamasında deyib.

NATO generallarının Rusiyaya müharibə xarakterli bəyanatlarını şərh edən ekspert qeyd edib ki, bu razılaşdırılmış siyasətin tərkib hissəsidir:

"Hansısa məqamda Rusiyaya belə bir sərt mesajlar göndərirlər. Bununla bəyan edilir ki, Rusiya yenə də qırmızı xətti aşsa, qarşısında daha böyük gücləri, NATO-nu görəcək. ABŞ və onun müttəfiqləri, o cümlədən Türkiyə və ərəb dünyası Rusiyanın Suriyada uğur qazanmasına imkan verməyəcəklər. Rusiyanın Suriyada bircə uğuru o oldu ki, Bəşər Əsədi müəyyən müddətə qoruya bildi. Ancaq Əsəd ərazi bütövlüyünü atəşkəsdən sonra da təmin edə bilməyəcək. Rusiya ilə NATO ölkələri arasında müharibə ehtimalı yüksək deyil. Buna baxmayaraq, Rusiya özü apardığı siyasətlə NATO ölkələrinə meydan oxumağa çalışır. NATO ölkələri isə bunun qarşılığında Rusiyadan çəkinmədiklərini bəyan edirlər".