Yuxarı

Putinin TŞ-də MDB təlimatı: Rusiya nədən narahatdır?

Ana səhifə Gündəm
12 Punto 14 Punto 16 Punto 18 Punto

İndiki dövrdə Rusiyanın postsovet ölkələrinə önəm verməsinin bir neçə səbəbi var. Rusiya MDB-ni özünün “arxa bağça”sı hesab etsə də, bura xüsusi diqqət ayrısa da, indi bu məsələ Moskva üçün getdikcə kritikləşir.

Bu sözləri Axar.az-a politoloq Turab Rzayev Putinin hökumətdəki dəyişiklikdən dərhal sonra keçirdiyi Təhlükəsizlik Şurasının ilk iclasında MDB ölkələri ilə münasibətləri prioritet məsələ kimi qaldırması haqda danışarkən deyib.

Onun sözlərinə görə, Rusiya prezidentinin kabineti formalaşdırdıqdan dərhal sonra bu məsələyə əhəmiyyət verməsi, MDB ilə münasibətlərin inkişafının zəruriliyini qeyd etməsi heç də səbəbsiz deyil:

“Qərb və NATO MDB ölkələrini Rusiyanın zəif yeri olaraq görür. Bu ölkələr boyunca konfrantasiya xəttini gücləndirməyə çalışır. Artıq Ukrayna və Baltik ölkələrində - Rusiyanın sərhədində NATO var, onlar həm Qafqazda, həm də Mərkəzi Asiyada Rusiyanın nüfuz dairəsinə daxil olmağa çalışır. Qafqazda faktiki olaraq NATO-Rusiya qarşıdurması gedir. Mərkəzi Asiyada da Qərb öz aktivliyini artırıb. Vaxtaşırı olaraq görüşlər keçirdir, bu bölgəyə daxil olmağa çalışır. Orta Asiya ölkələrini hərbi əməkdaşlıqla özünə cəlb etməyə çalışır. Məsələnin digər tərəfi isə Rusiyanın sanksiyalar səbəbindən bir çox ölkələrlə iqtisadi-siyasi münasibətlərini kəsməsidir. MDB ölkələri Rusiyaya qarşı sanksiyalarda iştirak etmir. Kreml bu iqtisadi sarsıntıdan xilas olmaq və siyasi boşluğu doldurmaq üçün MDB ölkələrinə diqqət artırmağa məcburdur”.

Politoloq bildirib ki, Rusiya böyük bir Şərq-Qərb toqquşmasına hazırlandığı vaxtda MDB ölkələri ilə əlaqələrdə arxayın olmalıdır:

“ABŞ və Qərb ölkələri öz aralarında Rusiyaya qarşı səylərini daha da birləşdirirlər. Buna qarşı mübarizə aparmaq üçün Rusiya öz periferiyasını daha sərt şəkildə müdafiə etməlidir. Məhz buna görə Rusiya MDB ərazisində nüfuzunu möhkəmləndirməyə və Qərbin müdaxilə cəhdlərinin qarşısını almağa çalışır.

Gürcüstandakı Gürcü Arzusu Partiyasının, indiki hakimiyyətin “Xarici agentlər haqqında” qanunu və ABŞ əleyhinə fikirlər səsləndirməsi, Rusiya və Çinə istiqamət götürməsi də məhz bu siyasətin tərkib hissəsidir. Faktiki olaraq, Kreml MDB ölkələrini birmənalı şəkildə Rusiyanın yanında görmək və heç bir halda Qərbi bölgəyə gətirib, həmin ərazidə Moskvanın işlərinə müdaxilə etməsinə imkan vermək istəmir”.

Tarix
2024.05.16 / 09:00
Müəllif
Vüsalə İsgəndərova
Şərhlər
Digər xəbərlər

Bakı və İrəvan arasında sülh müqaviləsi... - Fidan

Milli Məclisdən Klod Vislerə sərt reaksiya

Əliyev göstəriş verdi: Onlar İrana getdi - Video

Bülbüloğlu İran səfirinin iqamətgahında - Foto

Bu ilin xəritəsi ilə sərhəd çəkiləcək - İrəvanın arzusu

Bakı ilə ərazi razılaşması yoxdur - Simonyan

Rəisinin vida mərasiminə gələn dövlət başçıları - Siyahı

Rəisinin qəzasında sensasion detal: Helikopter qalxmayıb!

Leyla Əliyeva BMT ofisində görüşlər keçirdi - Foto

Ermənilərə xəbərdarlıq: Evləri boşaldın, azərbaycanlılar gəlir!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla