Pekində ictimai təhlükəsizlik naziri, dövlət müşaviri Van Syaoxunq Azərbaycan Respublikası Dövlət Təhlükəsizlik Xidmətinin rəhbəri Əli Nağıyevlə görüşüb.

Axar.az xəbər verir ki, bu barədə “Sinxua” agentliyi məlumat yayıb.

Vanq Xiaohonq görüşdə ümidvar olduğunu bildirib ki, tərəflər iki dövlət başçılarının əldə etdiyi mühüm razılaşmaları həyata keçirəcək, terrorizm və narkotiklərin qanunsuz dövriyyəsi ilə mübarizə sahəsində əməkdaşlığı dərinləşdirəcək, telekommunikasiya və onlayn fırıldaqçılıq və onlayn qumar kimi transmilli mütəşəkkil cinayətkarlıqla birgə mübarizə aparacaq, hüquq-mühafizə və təhlükəsizlik sahəsində ikitərəfli əməkdaşlığın yüksək səviyyədə inkişafına kömək edəcək.

A.Nağıyev öz növbəsində Azərbaycanın hüquq-mühafizə və təhlükəsizlik sahəsində əməkdaşlığın dərinləşdirilməsi, o cümlədən təhlükəsizlik çağırışlarına birgə səylərlə cavab verilməsi üçün Çinlə işləməyə hazır olduğunu bildirib.