12 aprel - Kosmanavtika Günüdür, Rusiyanın "Roskosmos" dövlət agentliyinin rəhbəri Dmitri Bakanov geniş açıqlama verib, kosmosda deyil, işğalçı müharibə apardıqları Ukrayna hadisələrindən danışıb. Özü bəlkə də bilmədən Rusiyanın müharibə itkiləri haqqında ipucu verib.

Axar.az xəbər verir ki. bu barədə siyasətçi Natiq Cəfərli bildirib.

“Bakanov deyib ki, "Ruskosmos”un 1000 nəfər işçisi 2022-ci ildən bəri müharibəyə “könüllü” gedib, onlardan 105 nəfər ölüb, 342 nəfər isə yaralanıb.

İtkilərin miqyasını anlamaq üçün ciddi rəqəmlərdir, nəzəra alsaq ki, "Roskosmos”un işçiləri daha çox arxa cəbhədə olur, dron və kəşfiyyat işlərinə cəlb edilib, yəni piyada kimi hücuma gedənlərdən deyil. Arxa cəbhədə olmalarına baxmayaraq, 1000 nəfərdən 447 nəfər ölüb/yaralanıbsa, təsəvvür edin ki, ön cəbhədə olan, əsasən də piyada hissələrdə itki nə qədərdir”, - o vurğulayıb.