Ana səhifə Gündəm |
Qənirə Paşayeva AŞPA-nı Suriya və İraqdan köçkün düşən insanlarla bağlı Türkiyəyə dəstək verməyə çağırıb.
Axar.az xəbər verir ki, bu gün AŞPA-nın yay sessiyasının ilk günündə Suriya və İraqdan köçkün düşmüş insanlarla bağlı müzakirələr zamanı çıxış edən millət vəkili təxminən 1 ay əvvəl Adıyaman, Hatay, Qazantəpədə Suriya və İraqdan köçkün düşən insanlarla, o cümlədən türkmənlərlə görüşündən danışıb və onların çağırışını səsləndirib:
"Türkiyə onlar üçün bir ümid, xilas qapısıdır. Avropa, AŞPA və digər beynəlxalq təşkilatlar dünyada ən çox köçkünün sığındığı Türkiyəyə daha çox dəstək olmalıdır. Bütün Avropa qurumlarına və beynəlxalq təşkilatlara Avropa Liberal Qrupu adından çağırış etməliyik. Çünki Avropa bu məsələdə Türkiyəni maddi və mənəvi anlamda yalnız buraxıb".
Millət vəkili Avropanın köçkünlərə laqeyd münasibətini tənqid edib:
"İnsanları köçkün salan səbəblərlə mübarizə aparmadan ortaya çıxan ağır vəziyyəti, faciələri önləmək mümkün deyil. Bu səbəblərlə mübarizə sərt olmalıdır. Əks təqdirdə köçkünlərin sayı daha da artacaq və problemlər gərginləşəcək".
Tarix
2016.06.20 / 18:15
|
Müəllif
Aygün Yusibova
|