Sabirabad rayonunda oğul yaşlı anasını güllələyib, sonra özünü öldürüb.

Axar.az-ın Teleqraf-a istinadən xəbərinə görə, rayonun Nizami kəndində baş verən cinayət hadisəsi ailə münaqişəsi zəminində törədilib.

Kənd sakini, 1970-ci il təvəllüdlü Malik Xanlar oğlu İsayev anası, 1938-ci il təvəllüdlü Səbiyyə Astan qızı Hüseynovanı ov tüfəngi ilə yaralayıb, özünü isə öldürüb. S.Hüseynova Şirvan Rayon Mərkəzi Xəstəxanasına çatdırlaraq, əməliyyata götürülüb. Hazırda onun vəziyyətinin ağır olduğu deyilir.

Cinayəti törədən İsayev anası ilə birlikdə yaşayıb. Ana-oğul arasında bundan bir qədər əvvəl də mübahisə yaranıbmış. Ailə münaqişəsi zəminində həmçinin Malik İsayevin övladlarından biri Asif İsayev həyat yoldaşını bıçaqlayıb. Hazırda həbsxanada cəza çəkir.

Traktor sürücüsü olan Malik İsayev iki övlad atası olub. Mədəsində yaranan problem səbəbindən müalicə alırmış. Onun atası bir neçə il əvvəl vəfat edib.

Faktla bağlı rayon hüquq-mühafizə orqanları araşdırma başladıb.