02:30

Naxçıvan şəhərində yeddi yaşlı uşaq su kanalında boğularaq ölüb.

Axar.az Report-a istinadən xəbər verir ki, hadisə Qaraxanbəyli kəndi ərazisində baş verib.

Belə ki, 2019-cu il təvəllüdlü Q.E. kənd ərazisində velosiped sürərkən ehtiyatsızlıqdan su kanalına düşüb. O, sudan çıxarılaraq Naxçıvan Muxtar Respublika Xəstəxanasına çatdırılsa da, həyatını xilas etmək mümkün olmayıb.

Hadisə yerinə hüquq-mühafizə orqanlarının əməkdaşları cəlb edilib.

Faktla bağlı araşdırma aparılır.

***

Naxçıvan şəhərinin Qaraxanbəyli kəndində kanalda batan yeddi yaşlı Elmir Qurbanovla bağlı təfərrüat məlum olub.

Axar.az Oxu.az-a istinadla xəbər verir ki, mərhum Naxçıvan şəhər 5 nömrəli tam orta məktəbin I sinfində təhsil alırmış. Onun atası dirijor Cahangir Qurbanovdur.

Qeyd edək ki, Cahangir Qurbanov Naxçıvan Dövlət Filarmoniyasının Kamera Orkestrinin bədii rəhbəri və baş dirijoru, Prezident mükafatçısıdır.