Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
27 İyun 2019


Millət vəkili od püskürdü: Mənə “qaloşa dəymə” yazırlar

Ana səhifə Hadisə
12 Punto 14 Punto 16 Punto 18 Punto

Səhifələrə diqqət yetirin, bütün qumcuqlar, əksər şahçılar, xürrəmçilər həm də qaloşun qatı müdafiəçiləri kimi özlərini cırıb-dağıdırlar.

Kult.az xəbər verir ki, bunu millət vəkili Fazil Mustafa qeyd edib. O, sosial şəbəkələrdə yayılan və şərti olaraq “Qaloş piri” adlandırılan görüntüləri ilə bağlı açıqlamasının tənqid edilməsinə münasibət bildirib:

“Şəklimi paylaşıb, “bizim qaloşumuza toxunma!” deyirlər. Həm də “bu bizim ənənəvi islam inancımızın bir simvolikasıdır” söyləyirlər. Bu ölkəyə bir peyğəmbər, bir imam gəlməyib, ancaq nədənsə hamısının qohum-əqrabası öz doğulduqları yerdə deyil, bizdə zühur edib. Baş olanda ya bu başın üstünə papaq, ya da içinə bilgi axtarırsan. Baş olmayanda isə mövcudluğu sadəcə yeriməkdən ibarət olanlar təyinatı ayaq üçün olan qaloşu bomboş başın doldurulmasında nicat vasitəsi kimi görürlər”.

Millət vəkili gündəmdə olan qaloş mövzusunun bizim şanlı mollaxana tariximizdən irəli gəldiyini bildirib:

“Qaloş - başı olmayanların simvoludur, bu yalnız bizdə deyil, xaraba qalmış Şərqin qumsallıqlarında əsrlərdir belədir. Bu sonuncu üzüqara qaloş elə-belə yerdən çıxmayıb, bizim şanlı mollaxana-mərsiyəxan tariximizdən gəlir. Məhz bu qaloşun ucbatından ilk milli dərsliyimiz olan “Vətən dili” dərsliyini o mərsiyəxandan, o əzadardan, o cinçıxarandan, o pir daşına baş sürtənlərdən, o zəncir aşiqlərindən kimsə yazmadı. İlk dərsliyimizi, vətən dilimizi rus əsilli fiziki şikəstliyi olan Aleksanr Osipoviç Çernyayevski yazıb və Qori Müəllimlər Seminariyasında bizim əsrlərdir davam edən mənəvi şikəstliyimizə bu dərsliklə meydan oxuyub. Bu gün yenə də qaloşun arxasındakı həmin zümrə Azərbaycanın mənəvi şikəstliyi üçün gündəlik həyatımızdan tutmuş sosial şəbəkələrə qədər öz viruslarını yaymağa davam edirlər. Bu dəfə o qəhrəman Çernyayevski yoxdur, “Vətən dili” dərsliyimizi kim yazacaq? Bu qaloş simvolik anlamda vətənimizin mənəvi çöküşünün ən ciddi əlamətlərindən biridir. Dərslik yaza bilməsək də, cəhalətə, xurafata, nadanlığa qarşı vətən dilində dirənişimizi ortaya qoymalıyıq. Başı təyinatı üzrə işlətməyən bir xalqın başına əxlaq, elm, iman yerinə bundan sonra da üfunət verən müqəddəs qaloş yerləşdirəcəklər. “Müqəddəs yer boş qalmır” məsəli”.

Qeyd edək ki, sosial şəbəkələrdə Goranboyun Qurbanzadə kəndindəki pirdə çəkilən görüntülər səs-küyə səbəb olub.

Tarix
2019.06.11 / 12:18
Müəllif
Büllurə Yunus
Şərhlər
loading...
Digər xəbərlər

Nazir Günel Aslanovaya yüksək vəzifə verdi

“Piramida plaza”da yanğın - Foto

Bakı Media Mərkəzi ordumuzun möhtəşəm fotolarını yaydı

Astarada ağır qəza: Maşın körpüdən aşdı

Sürücülərin nəzərinə: Bu prospektdə sıxlıq var

Bakıda 5 nəfər dönərdən zəhərləndi

Bakıda 6 avtomobil toqquşdu, tıxac yarandı

Mehriban Əliyeva ustadın hüzr mərasimində - Foto

İlham Əliyev ordu günü ilə bağlı videoçarx paylaşdı

Məşhur rus aktrisası vəfat etdi

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla