2022.07.01. 23:42

Göygöldə dəhşətli yol qəzası baş verib. Nəticədə 6 nəfər dünyasını dəyişib.

Axar.az xəbər verir ki, qəza Hacıməlik qəsəbəsində baş verib.

DAF markalı yük avtomobili VAZ-2107 markalı minik maşını ilə toqquşub. Qəza nəticəsində minik maşınında olan 6 nəfər ölüb.

Onlardan 2-si hadisə yerində, 4-ü isə xəstəxanada dünyasını dəyişib. Ölənlərdən 3-nün bir ailənin üzvləri olduğu deyilir.

Faktla bağlı araşdırma aparılır.

***

Daxili İşlər Nazirliyi (DİN) Göygöldə ölümlə nəticələnən ağır yol-nəqliyyat hadisəsi ilə bağlı məlumat yayıb.

DİN-dən bildirilib ki, iyulun 1-də, saat 23 radələrində Göygöl rayonunun Mollacəlilli kəndi ərazisində Samux rayon sakini Orxan Hümbətovun idarə etdiyi VAZ-2107 markalı avtomobillə Bakı şəhər sakini N.Bayramovun idarə etdiyi DAF markalı yük avtomobili toqquşub. Nəticədə O.Hümbətov və 4 sərnişini hadisə yerində, 1 sərnişini isə xəstəxanada ölüb.

Baş İstintaq və Təhqiqat İdarəsi tərəfindən araşdırma aparılır.