Şabranda ağır yol qəzası baş verib, ölən və xəsarət alanlar var.

Axar.az-ın Report-a istinadən məlumatına görə, hadisə Gəndob-Yalama avtomobil yolunun Şabran rayonun Ağalıq kəndi ərazisindən keçən hissəsində qeydə alınıb.

Belə ki, “Belarus” markalı traktor qarşı istiqamətdə hərəkətdə olan VAZ-2106 markalı minik avtomobilinin yoluna çıxaraq ona çırpılıb.

Avtomobildə olan Gülmirə Rəşid qızı Aslanva hadisə yerindəcə həyatını itirib.

Digər dörd nəfər – Şabran rayon sakinləri 1995-ci il təvəllüdlü Nərminə İbrahim qızı Cəfərova, 2010-cu il təvəllüdlü Nuray Bayram qızı Əliyeva, 2021-ci il təvəllüdlü M.A. və 2018-ci il təvəllüdlü Z.A. müxtəlif dərəcəli bədən xəsarətləri ilə Xaçmaz Rayon Mərkəzi Xəstəxanasına çatdırılıblar.

Faktla bağlı araşdırma aparılır.