2025.07.16 - 21:01

Ağdaşda 17 yaşlı yeniyetmə su kanalında çimərkən boğulub.

Axar.az Azərtac-a istinadən xəbər verir ki, hadisə Yuxarı Şirvan kanalının Ağdaş rayonunun Ağcayazı kəndindən keçən hissəsində qeydə alınıb. 2008-ci il təvəllüdlü Dəniz Nəsib oğlu Süleymanlı kanalda çimərkən batıb.

Məlumata görə, yeniyetmə atası ilə birlikdə çimirmiş. Oğlunun batdığını görən ata onu xilas etməyə çalışsa da, bu, mümkün olmayıb.

Faktla bağlı əraziyə Fövqəladə Hallar Nazirliyinin Aran Regional Mərkəzinin dalğıc-axtarış qrupu cəlb olunub. Hazırda yeniyetmənin tapılması istiqamətində axtarış işləri davam etdirilir.

Qeyd edək ki, Dəniz Süleymanlı idmanın alpaqut növü üzrə Azərbaycan çempionu olub.