00:52

Kürdəmirdə kütləvi zəhərlənmə hadisəsi baş verib

Axar.az Report-a istinadən xəbər verir ki, hadisə rayon ərazisində yerləşən istirahət mərkəzlərinin birində qeydə alınıb.

Belə ki, istirahət mərkəzində təşkil olunan mərasimdə 10-dan çox qonaq qidadan zəhərlənib.

Özlərini pis hiss edən şəxslər dərhal təcili tibbi yardım maşınlarının köməyi ilə Kürdəmir Mərkəzi Xəstəxanasına çatdırılıb. Onlara ilkin tibbi yardım göstərilib. Həkimlər onların vəziyyətlərini orta ağır qiymətləndirirlər.

***

Kürdəmirdə istirahət mərkəzində qidadan zəhərlənən şəxslərin adları məlum olub.

Xəstəxanaya yerləşdirilənlərin hamısı Kürdəmir rayon sakinləridir:

Ümüd İlkin oğlu Səlimli - 2010-cü il təvvəlüdlü

Firuzə Şaxtalı qızı Şirəliyeva - 1992-ci il təvvəlüdlü

Aydan Məmməd qızı Şirəliyeva - 2009-cu il təvvəlüdlü

Könül İlqar qızı Məmmədova - 1992-ci il təvvəlüdlü

Səadət Mehrab qızı Orucova - 2002-ci il təvvəlüdlü

Mübariz Ənnağı oğlu Şəmiyev - 1979-cu il təvvəlüdlü

Samirə Qara qızı Şəmiyeva - 1983-cü il təvvəlüdlü

Ramil Möhkəm oğlu Məmmədov - 1986-cı il təvvəlüdlü

Ümid Mübariz oğlu Şəmiyev - 2002-ci il təvvəlüdlü

Xatun Mübariz qızı Şəmiyeva - 2006-cı il təvvəlüdlü

Qurban Nizami oğlu Əsgərli - 2010-cu il təvvəlüdlü

Sehrayə İntiqam qızı Sultanlı - 2015-ci il təvvəlüdlü

***

Kürdəmir rayonu, Xırdapay kəndində fəaliyyət göstərən fiziki şəxs Əzizov Elşən Qıtan oğluna məxsus "Naftalan" ailəvi restoranda qida qəbul edən daha 5 nəfər zəhərlənmə diaqnozu ilə xəstəxanaya yerləşdirilib.

Məlumata görə, restoranda baş verən hadisənin səbəblərinin müəyyənləşdirilməsi məqsədilə Qida Təhlükəsizliyi Agentliyinin əməkdaşları tərəfindən aidiyyəti qurumlarla birgə araşdırmalara başlanılıb.

Agentliyin mütəxəssisləri hadisə yerinə baxış keçirib, istehlak edilən qidalardan nümunələr götürüb və laborator müayinələrə cəlb edib.

Tibb müəssisəsindən verilən məlumata görə, zərərçəkənlərə ilkin tibbi yardım göstərildikdən sonra hamısı evə buraxılıb.

İstirahət mərkəzinin fəaliyyəti məhdudlaşdırılıb. Faktla bağlı araşdırmalar davam edir.