Son Hın Min "Tottenhem"də keçirdiyi 10 ildən sonra klubdan ayrılmaq istədiyini açıqlayıb.

Axar.az xəbər verir ki, Cənubi koreyalı hücumçu bu barədə ölkəsində keçirilən mətbuat konfransında açıqlama verib. O, klubdan getmək niyyətində olduğunu və bu yöndə London təmsilçisinin rəhbərliyindən kömək istədiyini bildirib.

Məlumata görə, klub futbolçunun qərarına hörmətlə yanaşır və ona istədiyi kluba getməsi üçün şərait yaradacaq.

Sonun MLS-də mübarizə aparan "Los-Anceles"ə transferi gerçəkləşmək üzrədir, bu klub ilə danışıqlar aparılır. Futbolçuya may ayında Səudiyyə Ərəbistanı klublarından da təkliflər gəlmişdi.

Qeyd edək ki, Son Hın Min bu il "Tottenhem" ilə Avropa Liqasının qalibi olub.