Səudiyyə Ərəbistanının “Əl-Hilal” klubu “Bavariya”nın hücumçusu Harri Keynə illik 100 milyon avro maaş təklif edib.

Axar.az Publika.az-a istinadən xəbər verir ki, ərəblər ingilis forvardla 3 illik müqavilə imzalamağa hazırdır və ümumi məbləğ 300 milyon avro təşkil edir.

32 yaşlı futbolçu 2023-cü ildə Yaxın Şərq klublarının təkliflərini rədd etmişdi, lakin gələn yay bu təklifi nəzərdən keçirə bilər.

Keyn “Tottenhem”dən “Bavariya”ya 2023-cü ilin yayında keçib. Bu müddətdə o, bütün turnirlərdə 106 oyun keçirib, 103 qol vurub və 29 məhsuldar ötürmə edib. Hücumçunun hazırkı müqaviləsi 2027-ci ilin yayına qədər qüvvədədir. “Transfermarkt” məlumatına görə, onun bazar dəyəri 75 milyon avrodur.