"Traktor" İran çempionatının (Pro Liqa) növbəti turunda öz meydanında "Qol-Qohar"a qalib gəlib.

Axar.az Qol.az-a istinadən xəbər verir ki, Təbrizin "Yadigar-e İmam" stadionunda keçirilən matçda yeganə qolu 43-cü dəqiqədə Mehdi Haşimnejad vurub. Baş hakim əvvəlcə oyundan kənar vəziyyət əsasında qolu ləğv etsə də, VAR-ın müdaxiləsindən sonra qərar dəyişib və qol qeydə alınıb.

Qeyd edək ki, bu qələbə Məhəmməd Rəbiinin rəhbərliyi altında "Traktor"un çempionatdakı ilk uğuru olub. Bu nəticədən sonra xallarının sayını 39-a çatdıran Təbriz təmsilçisi müvəqqəti olaraq turnir cədvəlinin liderliyinə yüksəlib. "Qol-Qohar" isə 36 xalla 4-cü pillədə qalıb.