İşimizin böyük hissəsi legionerlərlə bağlıdır. Onları elə hazırlamalıyıq ki, hansı ölkədə və komandada olduqlarını bilsinlər.

Axar.az xəbər verir ki, bunu "Qarabağ"ın baş məşqçisi Qurban Qurbanov Məşqçilərin I Forumunda deyib.

O, "Qarabağ" adının önəmindən də bəhs edib:

"Qarabağ bizim yaralı yerimiz idi. Amma öz doğma torpaqlarımızı geri qaytardıq. Başqa klublarda işləyə bilərdim. Amma bəlkə də bu məsuliyyət bu qədər çox olmazdı. "Qarabağ" adı məni də böyütdü. Hər bir legionerə bu ad haqqında məlumatlar veririk. Onlara Azərbaycanın qayda-qanunlarına hörmətlə yanaşmalı olduqlarını da söyləyirik".