"Qarabağ”ın futbolçusu Emmanuel Addai yeni mövsümə Avropanın aparıcı liqalarından birində başlaya bilər.

Axar.az Publika.az-a istinadla xəbər verir ki, İngiltərənin bəzi klubları, həmçinin İtaliyanın “Napoli” və Almaniyanın “Ayntraxt” (Frankfurt) komandaları 24 yaşlı qanalı futbolçu ilə maraqlanırlar.

Frankfurt klubu artıq qış transfer dövründə oyunçunu transfer etməyə çalışıb. Bundesliqa klubunun təklifinə müsbət yanaşmasalar da, Addai ilə maraqlanmaqda davam edir.

Onun “Qarabağ”la müqaviləsinin müddəti mövsümün sonunda başa çatacaq. Emmanuelin bu yay keçiriləcək dünya çempionatında Qana millisinə dəvət ediləcəyi gözlənilir.