Bu gün futbol üzrə Azərbaycan Premyer Liqasında II tura yekun vurulacaq.

Axar.az xəbər verir ki, son oyun günündə iki matç keçiriləcək.

İlk qarşılaşmada “Turan Tovuz” doğma meydanda “Şamaxı” ilə üz-üzə gələcək. Tovuz şəhər stadionunda keçiriləcək matç saat 18:30-da başlayacaq.

“Neftçi” və “Araz-Naxçıvan” komandaları isə "Palms Sports Arena"da saat 20:45-də qarşılaşacaqlar.

“Neftçi” ilk turda “Sumqayıt” üzərində 3:1 hesablı qələbə qazanıb.

“Araz-Naxçıvan” isə “İmişli” ilə qolsuz heç-heçə edib.

Qeyd edək ki, turun “Sabah” – “Sumqayıt” və “Qarabağ” – “Kəpəz” matçları avrokubok oyunlarına görə təxirə salınıb.