Çempionlar Liqasının qrup mərhələsi çərçivəsində bu gün İngiltərənin "Arsenal" klubu - "Qalatasaray"ı qəbul edir.

Axar.az xəbər verir ki, komandalarda əsas heyətlər müəyyənləşib.
"Arsenal": Şesni, Qibbs, Mertezaker (k), Koselni, Çeymbers, Özil, Oksleyd-Çemberlen, Santi Kasorla, Flamini, Aleksis Sançes, Uelbek.

"Qalatasaray": Muslera, Şedju, Felipe Melo, Semih Kaya, Veysel Sarı, Yekta Kurtuluş, Dzemaili, Aleks Telles, Sneyder (k), Pandev, Burak Yılmaz.

Xatırladaq ki, "Qalatasaray" klubu oyuna ciddi itki ilə çıxır. Belə ki, komandanın yarımmüdafiəçisi Səlçuk İnan özünü pis hiss etdiyi üçün heyətdən çıxarılıb.

00:07

Oyunda hesab açıldı. Matçın 22-ci dəqiqəsində Uelbek Arsenal azerkeşlərini ayağa qaldırdı. "Arsenal" 1:0 "Qalatasaray".

00:15

Dani Uelbek oyunun 30-cu dəqiqəsində fərqi iki topa çatdırdı: "Arsenal" 2:0 "Qalatasaray".

00:25

"Arsenal" komandasının forvardı Aleksis Sançez oyunun 40-cı dəqiqəsində hesabı bir qədər də artırır. "Arsenal" 3:0 "Qalatasaray"

00:54

Arsenalın heyətində Dani Uelbek hettrikə imza atır: "Arsenal" 4:0 "Qalatasaray".

01:02

Oyunun 61-ci dəqiqəsində "Arsenal" klubunun qapıçısı kobud oyunu ilə meydandan qovulur. "Qalatasaray"ın forvardı Burak Yılmaz 11 metrlik penalti zərbəsini dəqiq yerinə yetirərək fərqi azaldır: Arsenal 4:1 Qalatasaray.

01:37

Gərgin keçən oyunda "Arsenal" klubu 4:1 hesabı ilə "Qalatasaray"ı məğlub etdi.