"Qarabağ"ın kapitanı Rəşad Sadıqov "Bakı" ilə görüşdən sonra "Sportinfo.az"a danışıb. Təcrübəli oyunçu rəqib haqda xoş sözlər söyləyib: "Bakı"nın bu cür oyunu xoşuma gəldi. Gənc kollektivdi. Əzmkar mübarizə göstərdilər".

Sadıqov öz komandası haqda isə belə danışdı: "Biz tam formada deyilik. Heç ola da bilmərik. Çünki sezon təzə-təzə başlayır. Fikirləşirəm ki, zaman getdikcə, oyundan-oyuna daha yaxşı vəziyyətə düşəcəyik".

UEFA-nın son qərarı haqqında danışan Sadıqov əslində bu nəticəni gözlədiklərini bildirib:

"Əslində, UEFA-nın bu qərarına hazır idik. Çünki uzun illərdi futboldayıq və hər şeyi görürük. Açığı, mən bilirdim ki, UEFA bu şikayətə ciddi baxmayacaq".