Axar.az
Yuxarı

“Böyük dəbilqə”: Komandamız ilk medalını qazandı

Ana səhifə İdman
12 Punto 14 Punto 16 Punto 18 Punto

Macarıstanın paytaxtı Budapeştdə keçirilən “Böyük dəbilqə” turnirinin birinci günündə komandamız bürünc medal qazanıb.

Axar.az xəbər verir ki, kişilər arasında 66 kiloqram çəkidə mübarizə Orxan Səfərov əvvəlcə niderlandlı İvo Verhorstert, daha sonra gürcüstanlı Baqrati Naniaşvili və monqolustanlı Erhembayar Battoqtoha qalib gəlsə də, yarımfinalda rusiyalı Yakob Şamilova uduzub. Cüdoçumuz bürünc medal uğrunda görüşdə özbəkistanlı Sardor Nurillayevi məğlub edərək komandamıza ilk medalı qazandırıb. O, həmçinin “Tokio-2020”yə reytinq xalları əldə edib.

Bu çəkidə digər təmsilçimiz Nicat Şıxəlizadə ilk görüşdə Villian Lima (Braziliya)-Yarin Menaged (İsrail) cütünün qalibinə uduzub.

Kişilər arasında digər çəkidə, 60 kiloqramda daha iki cüdoçumuz mübarizə aparıb. Bu çəkinin nümayəndələrindən Davud Məmmədsoy ilk görüşdə hindistanlı Vijay Kumar Yadava qalib gəlsə də, sonrakı qarşılaşmada qazaxıstanlı Qusman Kirqizbayevə məğlub olub. Kəramət Hüseynov isə ilk qarşılaşmada fransalı Luka Mxeidzeyə uduzub.

Qadınlar arasında keçirilən yarışlarda hər üç təmsilçimiz mübarizəyə qoşulub. Cüdoçularımızdan Leyla Əliyeva (48 kq) yerli idmançı Luka Mamiranı məğlub etsə də, ispaniyalı Lura Martinesin (Macarıstan) öhdəsindən gələ bilməyib. Bu çəkidə digər qadın cüdoçumuz Aişə Qurbanlı ilk qarşılaşmada Şirin Boukliyə (Fransa) məğlub olub.

Qadın cüdoçularımızdan Gültac Məmmədəliyeva (52 kq) əvvəlcə Qal-Od Tserentoqxoda (Monqolustan), ikinci döyüşdə israilli Qefen Primoyaya qalib gəlsə də, dörddəbir finalda Fabyen Koçerə məğlub olub. Təsəlliverici döyüşdə ukraynalı Darya Belodedə məğlub olan cüdoçumuz 7-ci yerlə kifayətlənib. G.Məmmədəliyeva bu nəticə ilə Tokio Olimpiadasına reytinq xalları qazanıb.

Qeyd edək ki, 80 ölkədən 624 cüdoçunun mübarizə apardığı turnirə Azərbaycandan 17 idmançı qatılıb.

Turnir oktyabrın 25-dək davam edəcək.

Tarix
2020.10.24 / 02:22
Müəllif
Axar.az
Şərhlər
Digər xəbərlər

"Qarabağ" "Sivasspor"la bacarmadı

Gimnastlarımız Avropa çempionatının finalında

Millimiz FİFA reytinqində 5 pillə irəlilədi

"Qarabağ" klubu UEFA-nın qərarına etiraz edəcək

Nurlan İbrahimov futboldan ömürlük kənarlaşdırıldı

Məmmədov TFF prezidenti ilə görüşdü - Foto

“Tanrının əli” - Fotolarda

Maradonaya görə "Qarabağ"ın matçında 1 dəqiqəlik sükut

Pele Maradonanın ölümündən danışdı

Argentinada Maradonaya görə matəm elan edildi

KULT
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla