"Qarabağ" klubu media mənsublarının akkreditasiya şərtlərini açıqlayıb.

Axar.az klubun saytına istinadən xəbər verir ki, "Yanq Boyz"la cavab görüşü üçün akkreditasiyanı Peşəkar Futbol Liqasında qeydiyyatdan keçmiş media qurumları ala bilər.

PFL-də qeydiyyatdan keçməyən mətbu orqanlar qonaq sektoruna bilet əldə edə bilərlər. Qeydiyyatdan keçmiş mətbu orqanların əlavə 2 əməkdaşının bilet almaq imkanı var.

Qeydiyyatdan keçmək üçün 23 avqust, saat 10:00-a qədər PFL-dəki qeydiyyat vəsiqəsinin surətini və şəxsi fotosunu (həcmi 0.5 MB az olmayan) [email protected] adresinə göndərmək xahiş olunur.

Akkreditasiya 25-26 avqust tarixlərində 10:00-dan 18:00-a qədər Tofiq Bəhramov adına Respublika stadionundakı media mərkəzindən götürülməlidir.

Xatırladaq ki, matç avqustun 27-də baş tutacaq.